ნეტგაზეთი | მკვლელობის ბრალდებით ერთი პირი დავაკავეთ – შსს ახალქალაქში დაპირისპირებაზე მკვლელობის ბრალდებით ერთი პირი დავაკავეთ – შსს ახალქალაქში დაპირისპირებაზე – Netgazeti
RU | GE  

მკვლელობის ბრალდებით ერთი პირი დავაკავეთ – შსს ახალქალაქში დაპირისპირებაზე

შინაგან საქმეთა სამინისტროს ინფორმაციით, ახალქალაქში მკვლელობის ბრალდებით ერთი პირი დააკავეს.

უწყება ამბობს, რომ გამოძიების თანახმად, ბრალდებულმა ურთიერთშელაპარაკების ნიადაგზე, 1993 წელს დაბადებულ ვ.მ.-ს ცეცხლსასროლი იაღარიდან ესროლა და სასიკვდილო ჭრილობა მიაყენა. ვ.მ. შემდგომ საავადმყოფოში გარდაიცვალა.

„სამართალდამცველებმა ბრალდებულის პირადი ჩხრეკისას ამოიღეს დანაშაულის ჩადენის იარაღი.
სამართალდამცველებმა ა.გ. მომხდარიდან რამდენიმე საათში, ცხელ კვალზე დააკავეს,“ – ამბობს უწყება.

გამოძიება საქართველოს სისხლის სამართლის კოდექსის 108-ე მუხლით და 236 მუხლის III და IV მუხლებით მიმდინარეობს, რაც განზრახ მკვლელობას და იარაღის მართლსაწინააღმდეგო შეძენა შენახვას გულისხმობს.

ეს დანაშაული მათ შორის ითვალისწინებს თავისუფლების აღკვეთას ვადით 7-დან 15 წლამდე.

შსს ამბობს, რომ ჯგუფური ძალადობის ორგანიზებასა და მასში მონაწილეობაზე გრძელდება გამოძიება.


გუშინ 8 აგვისტოს ახალქალაქში დაპირისპირება მოხდა, რა დროსაც ერთი ადამიანი მოკლეს, ადგილობრივი მედიის ინფორმაციით, დაიწვა რამდენიმე სახლი.

გუბერნატორის თქმით, ახალქალაქში მკვლელობის შემდეგ დაპირისპირების დროს სახლი დაწვეს

ნეტგაზეთის მასალების სხვა გამოცემებში გადაბეჭდვის წესი
ავტორი
ნინო ბიძინაშვილი არის რეპორტიორი 2017 წლის 25 სექტემბრიდან