თბილისში, გმირთა მოედანზე, 30 ივლისის ღამით მომხდარ ავტოსაგზაო შემთხვევას 1 ადამიანი ემსხვერპლა.
არსებული ინფორმაციით, ერთმანეთს “ტოიოტას” ტიპის ავტომანქანა და ელექტროსკუტერი შეეჯახნენ. პირი, რომელიც სკუტერს მართავდა, დაიღუპა.
როგორც “ნეტგაზეთს” შსს-ში განუცხადეს, გამოძიება სსკ-ის 276-ე მუხლით მიმდინარეობს, რაც ტარნსპორტის მოძრაობის უსაფრთხოების წესის დარღვევას გულისხმობს. მომხდარზე დანიშნულია შესაბამისი ექსპერტიზები.