ახალი ამბები

დოროყაშვილის უფლებადამცველის თქმით, კორპუსიდან პომიდვრები ესროლეს

26 მაისი, 2020 • 2926
დოროყაშვილის უფლებადამცველის თქმით, კორპუსიდან პომიდვრები ესროლეს

ნელი დოროყაშვილის ინტერესების დამცველის, ანა აბაშიძის თქმით, გუშინ გამართული პრესკონფერენციის შემდეგ მეზობლებმა ეზოში პომიდვრები ესროლეს. ამის შესახებ აბაშიძემ “ტვ პირველთან” საუბრისას განაცხადა.

მისი თქმით, ინციდენტი ეზოში მოხდა.

“ჩვენ დღეს პომიდვრებს გვესროდნენ იმისთვის, რომ ქალს ვიცავთ და გამვლელები გვლანძღავენ ადვოკატებს. პირდაპირი მნიშვნელობით, პრესკონფერენციის შემდეგ ჟურნალისტს რომ ვეწერებოდით, მეზობლები კორპუსებიდან პომიდვრებს ისვრიან ადვოკატების მიმართ, რომლებიც თავის საქმიანობას ასრულებენ”, – განაცხადა აბაშიძემ.

ანა აბაშიძე არასამთავრობო ორგანიზაცია პარტნიორობა ადამიანის უფლებებისთვის წარმომადგენელია. სწორედ ეს ორგანიზაცია იცავს დოროყაშვილის და ბავშვის ინტერესებს.

ადვოკატის საქმიანობაში ჩარევა და ხელის შეშლა ისჯება კანონით – ადვოკატთა ასოციაციის თავმჯდომარე

24 მაისს საქალაქო სასამართლოში ოჯახში ძალადობაში ბრალდებული ჩოგბურთელის, ნიკოლოზ ბასილაშვილის საქმე განიხილეს. მოსამართლემ ბასილაშვილს აღმკვეთი ღონისძიების სახით 100 000-ლარიანი გირაო შეუფარდა. პროკურატურა მისთვის პატიმრობის შეფარდებას ითხოვდა.

ნიკოლოზ ბასილაშვილი სამართალდამცველებმა 22 მაისს დააკავეს. პროკურატურამ მას ბრალდება სისხლის სამართლის კოდექსის 126-ე პრიმა მუხლის მე-2 ნაწილის „ბ“ ქვეპუნქტით წარუდგინა – რაც, არასრულწლოვნის თანდასწრებით მისივე ოჯახის წევრის მიმართ ოჯახში ძალადობას გულისხმობს.

საქმის პროკურორი ასევე ამბობს, რომ შემაკავებელი ორდერი ბასილაშვილის მამის წინააღმდეგაც იყო გამოწერილი.

საქმეს სწავლობს სახალხო დამცველიც.

ბასილაშვილი ბრალდებას უარყოფს.

დოროყაშვილის თქმით, ბასილაშვილი მასზე სისტემატურად ძალადობდა, ოჯახი ამას უარყოფს

მასალების გადაბეჭდვის წესი