ნეტგაზეთი | მოლაპარაკებები მიმდინარეობს შენობებთან დაკავშირებით – ტიკარაძე ინფექციურზე მოლაპარაკებები მიმდინარეობს შენობებთან დაკავშირებით – ტიკარაძე ინფექციურზე – Netgazeti

მოლაპარაკებები მიმდინარეობს შენობებთან დაკავშირებით – ტიკარაძე ინფექციურზე

ჯანდაცვის მინისტრი ეკატერინე ტიკარაძე ამბობს, რომ ინფექციური საავადმყოფოს შენობასთან დაკავშირებით მოლაპარაკებები მიმდინარეობს.

ჟურნალისტის კითხვაზე, თუ რა იგეგმება, ტიკარაძე განმარტავს, რომ ეს მოლაპარაკებები სხვა შენობების განხილვასაც მოიცავს.

„ინფექციურ საავადმყოს რეაბილიტაციასთან დაკავშირებით არანაირი პროგრამა ჯერ წარმოდგენილი არ გვაქვს. როგორც თქვენთვის ცნობილია, მოლაპარაკებები მიმდინარეობს გარკვეულ შენობებთან დაკავშირებით, თუმცა ამ მოლაპარაკებებთან დაკავშირებით უფრო კონკრეტული შედეგი მოგვიანებით იქნება ცნობილი“, – ამბობს ტიკარაძე.

დღეს გამართულ ბრიფინგზე მან ასევე თქვა, რომ სამინისტრო სახელმწიფო სექტორში არსებული საავადმყოფოების გაძლიერებაზე მუშაობს და „საზოგადოებისთვის მალე იქნება შედეგი ცნობილი“.

ინფექციური პათოლოგიის და შიდსის ცენტრის ადმინისტრაციულ შენობაში წვიმის შედეგად წყალი ჩამოდის. ინფორმაციას ამის შესახებ თავად ცენტრი ავრცელებს საკუთარი ფეისბუკ გვერდის საშუალებით. როგორც ცნობილია, ინფექციურ საავადმყოფოს საკუთარი შენობა არ აქვს.

ვრცლად:

ინფექციური საავადმყოფოს ადმინისტრაციულ შენობაში წყალი ჩამოდის [ვიდეო]

ამავე თემაზე ნეტგაზეთი გირჩევთ:

რატომ არ აქვს ინფექციურს საკუთარი შენობა

ნეტგაზეთის მასალების სხვა გამოცემებში გადაბეჭდვის წესი
ავტორი
ნინო ბიძინაშვილი არის რეპორტიორი 2017 წლის 25 სექტემბრიდან