ნეტგაზეთი | ბასილაშვილმა გირაო უკვე გადაიხადა – ადვოკატი ბასილაშვილმა გირაო უკვე გადაიხადა – ადვოკატი – Netgazeti

ბასილაშვილმა გირაო უკვე გადაიხადა – ადვოკატი

ოჯახში ძალადობაში ბრალდებული ჩოგბურთელის, ნიკოლოზ ბასილაშვილის ადვოკატის, ირმა ჭკადუას თქმით, მან სასამართლოს მიერ შეფარდებული 100 000-ლარიანი გირაო უკვე გადაიხადა.

ჭკადუა ამბობს, რომ გირაო, დაახლოებით, 2 საათის წინ გადაიხადეს, თუმცა, საქმის შინაარსობრივ ნაწილზე ჯერჯერობით დაცვის მხარე კომენტარს ვერ გააკეთებს.

დღეს საქალაქო სასამართლოში ოჯახში ძალადობაში ბრალდებული ნიკოლოზ ბასილაშვილის საქმე განიხილეს. მოსამართლემ ბასილაშვილს აღკვეთი ღონისძიების სახით 100 000-ლარიანი გირაო შეუფარდა. თუმცა, პროკურატურა მისთვის პატიმრობის შეფარდება ითხოვდა.

ნიკოლოზ ბასილაშვილი სამართალდამცველებმა 22 მაისს დააკავეს. პროკურატურამ მას ბრალდება სისხლის სამართლის კოდექსის 126-ე პრიმა მუხლის მე-2 ნაწილის „ბ“    ქვეპუნქტით წარუდგინა – რაც, არასრულწლოვნის თანდასწრებით მისივე ოჯახის წევრის მიმართ ოჯახში ძალადობას გულისხმობს.

საქმეს სწავლობს სახალხო დამცველიც.

ნიკოლოზ ბასილაშვილს სასამართლომ აღკვეთის სახით გირაო შეუფარდა

ნეტგაზეთის მასალების სხვა გამოცემებში გადაბეჭდვის წესი
ავტორი
ნინო ბიძინაშვილი არის რეპორტიორი 2017 წლის 25 სექტემბრიდან