2015 წელს, საქართველოს მთავრობის მიერ დამტკიცდა პროექტი „სტიქიური მოვლენების შედეგად დაზარალებული ოჯახების დროებით სარგებლობაში არსებული უძრავი ქონების საკუთრებაში გადაცემისათვის საჭირო ღონისძიებათა თაობაზე“. პროექტის ფარგლებში, 2004-2012 წლებში შესყიდული საცხოვრებელ სახლებისა და მიწის ნაკვეთების აზომვთი ნახაზები შედგება. ხელახალი რეგისტრაციის შემდგომ, აღნიშნული სახლები კერძო საკუთრებაში გადაეცემა 1000-მდე ეკომიგრანტ ოჯახს, მათ შორის 571 ოჯახს წალკის მუნიციპალიტეტში.
მინისტრი სოზარ სუბარი ადგილზე გაეცნო ეკომიგრანტი ოჯახებისთვის საცხოვრებელი სახლების დაკანონების პროცესს.
აჭარის ავტონომიური რესპუბლიკის ჯანმრთელობისა და სოციალური დაცვის სამინისტროს ინიციატივით, წალკის მუნიციპალიტეტში, ჯანმრთელობის ცენტრ „მედინას“ ექიმებმა ეკომიგრანტებს უფასო სამედიცინო გამოკვლევები ჩაუტარეს.
ადგილობრივ მოსახლეობას მოემსახურა 11 ექიმი: თერაპევტი, პედიატრი, ქირურგი, ნევროლოგი, კარდიოლოგი, უროლოგი, მეან-გინეკოლოგი, ოტო-რინო-ლარინგოლოგი, ენდოკრინოლოგი და ექოსკოპისტი. ასევე, ჩატარდა დიაგნოსტიკური კვლევები.
წალკაში ვიზიტის ფარგლებში, „საქართველოს საერთაშორისო ინვესტორთა ასოციაციამ“ ეკომიგრანტ ოჯახებს საკვები პროდუქტები გადასცა.
