ახალი ამბები

პარკირების წესების დარღვევაზე ჯარიმა 50 ლარი გახდა

30 ოქტომბერი, 2019 • 4086
პარკირების წესების დარღვევაზე ჯარიმა 50 ლარი გახდა

შესწორება: თბილისის მერმა კახა კალაძემ 30 ოქტომბერს, დილით თქვა, რომ თბილისში პარკირების წესების დარღვევაზე ჯარიმა 50 ლარი გახდა. მანამდე ჯარიმა 10 ლარი იყო. თუმცა, დღის ბოლოს გაირკვა, რომ პარლამენტს აღნიშნული კანონპროექტი მესამე მოსმენით ჯერ არ მიუღია. 

კალაძის თქმით, შესაბამისი ცვლილებაზე პარლამენტმა თბილისის მერიის თხოვნით იმუშავა. როგორც თბილისის მერი ამბობს, ეს გადაწყვეტილება კავშირშია მერიის სატრანსპორტო პოლიტიკასთან და ზონალურ-საათობრივი პარკინგის დანერგვასთან, რომლის საპილოტე პროექტი ორ ლოკაციაზე უკვე ხორციელდება.

მისივე თქმით შეიცვალა ჯარიმის ჩაბარების წესიც, აქამდე თუ მხოლოდ ფოსტით ეგზავნებოდა ადრესატს ოქმი, ახლა, თუ ეს ვერ მოხერხდება, ინფორმაცია თბილისის პარკინგის ვებგვერდზეც გამოქვეყნდება და დაჯარიმებულ მოქალაქეს სმს-ითაც მიუვა.

პარლამენტმა არასწორი პარკირების ჯარიმის გაზრდაზე კანონპროექტს კენჭი არ უყარა

მასალების გადაბეჭდვის წესი