საქართველოს ფინანსთა სამინისტროს საგამოძიებო სამსახურის ცნობით, უწყების თანამშრომლებმა სხვისი ნივთის მოტყუებით დაუფლების მცდელობის ბრალდებით ერთი პირი დააკავეს.
გამოძიების ინფორმაციით, ბრალდებული დაუკავშირდა ერთ-ერთ მოქალაქეს, მოიპოვა მისი ნდობა და დაარწმუნა, რომ სანაცნობო წრის მეშვეობით, 5 000 აშშდოლარის სანაცვლოდ, დაეხმარებოდა შინაგან საქმეთა სამინისტროში დასაქმებაში.
როგორც უწყება აცხადებს, ბრალდებული დააკავეს მოთხოვნილი თანხის ნაწილის – 3 500 ლარის აღების ფაქტზე.
გამოძიება მიმდინარეობს საქართველოს სისხლის სამართლის კოდექსის 19-180-ე მუხლის მეორე ნაწილით, რაც სასჯელის სახით ითვალისწინებს თავისუფლების აღკვეთას 4-დან 7 წლამდე ვადით.