ევროკავშირის წარმომადგენლობა საქართველოში აცხადებს, რომ „რუსეთის მესაზღვრეების მხარდაჭერით სამხრეთ ოსეთის დე-ფაქტო ხელისუფლების მიერ ღობეების აღმართვა სოფელ გუგუტიანთკარის მახლობლად აბრკოლებს გადაადგილების თავისუფლებას“ და „გადამწყვეტი მნიშვნელობა აქვს ამ ქმედების შეწყვეტას“.
ევროკავშირის წარმომადგენლობის მიერ 20 აგვისტოს გავრცელებული განცხადების თანახმად, „ევროკავშირი კვლავაც მონაწილეობს და ჩართულია საქართველოში სტაბილიზაციისა და კონფლიქტების მოგვარების ძალისხმევაში“ და ის „გააგრძელებს საქართველოს სუვერენიტეტისა და ტერიტორიული მთლიანობის მხარდაჭერას ქვეყნის საერთაშორისოდ აღიარებულ საზღვრებში“.
სოფელ გუგუტიანთკარის მიმდებარედ ხელოვნური ბარიერების აღმართვა 7 აგვისტოს დაიწყეს. როგორც საქართველოს, ისე ევროკავშირისა და ევროკავშირის წევრი ქვეყნების, აშშ-ისა და ნატოს წარმომადგენლებმა ეს პროცესი გააკრიტიკეს.
მაგალითად, ნატო-ს გენერალური მდივნის სპეციალური წარმომადგენელი კავკასიასა და ცენტრალურ აზიაში, ჯეიმს აპატურაიმ დაწერა, რომ ნატო ცნობს საქართველის მიერ საერთაშორისოდ აღიარებულ საზღვრებში და „აგრძელებს მოწოდებას მსგავსი უკანონო მოქმედებების შეწყვეტის თაობაზე“.
გახარიას პარტია აცხადებს, რომ ახალგაზრდებთან შეხვედრისას დრონით უთვალთვალებდნენ
სად გაიხსნება დამატებითი საარჩევნო უბნები საზღვარგარეთ – ცესკოს ახალი დადგენილება
ხელისუფლება ამომრჩეველთა თავისუფალ ნებაზე ზეგავლენას უკანონო მეთოდებით ცდილობს – „ჩემი ხმა“
Tegeta cars საქართველოში Bentley-ს ოფიციალური წარმომადგენელი გახდა
