ნეტგაზეთი | პრეზიდენტი: რა მართლმადიდებლური კავშირი შეიძლება არსებობდეს რუსეთთან? პრეზიდენტი: რა მართლმადიდებლური კავშირი შეიძლება არსებობდეს რუსეთთან? – Netgazeti
RU | GE  

პრეზიდენტი: რა მართლმადიდებლური კავშირი შეიძლება არსებობდეს რუსეთთან?

საქართველოს პრეზიდენტი სალომე ზურაბიშვილი აკრიტიკებს საქართველოს პარლამენტში ამჟამად მიმდინარე „მართლმადიდებლობის საპარლამენტთაშორისო გენერალური ასამბლეას“, რომლის დროსაც რუსეთის დუმის დეპუტატს პარლამენტის თავმჯდომარის სავარძლიდან მიჰყავდა სხდომა.

პრეზიდენტი წერს: „მართლმადიდებლობის საპარლამენტთაშორისო ასამბლეა? რას ნიშნავს? რა მართლმადიდებლური კავშირი და ურთიერთობა შეიძლება არსებობდეს ჩვენ და იმ ქვეყნის შორის, რომელიც არა მხოლოდ ჩვენ ქყვენის ტერიტორიების ოკუპანტია, არამედ ებრძვის რელიგიასაც და ყველა ქრისტიანულ წესს. რომელიც კრძალავს – გუშინწინდელი მაგალითი გრემისხევში — ქართველ და ოს ქრისტიანთა ხატთან ერთობლივ მისვლას და ლოცვას, საკუთარ დედ–მამის საფლავების კურთხევას, აფხაზეთის ქართულ ეკლესიების აღდგენას! აქ მართლმადიდებლური არც არაფერია! რუსეთისთვის ჩვეულებრივი ხერხი, ესეიგი პოლიტიკურ მიზნებისთვის გამოყენებული რელიგია! და თუ ეს ასეა ამ პოლიტიკურ თამაშს რატომ ვთამაშობთ ჩვენც?“

ნეტგაზეთის მასალების სხვა გამოცემებში გადაბეჭდვის წესი
ავტორი
ლუკა პერტაია - „ნეტგაზეთის“ რეპორტიორი 2018 წლის სექტემბრიდან. მობ.: 995 555 223 568; ელ-ფოსტა: lukapertaia@gmail.com