შინაგან საქმეთა სამინისტროს ცნობით, სამართალდამცავებმა დღეს, 15 მაისს, 2001 და 2002 წელს დაბადებული არასრულწლოვნები ქურდობის მცდელობის ბრალდებით დააკავეს.

სამართალდამცავების ცნობით, ბრალდებულებმა თბილისში, ჭავჭავაძის გამზირზე მდებარე ერთ-ერთი ტექნიკის მაღაზიის შუშის კარი ჩაამსხვრიეს და მაღაზიაში უკანონოდ შეაღწიეს. სამართალდამცველებმა არასრულწლოვნები იმ დროს დააკავეს, როდესაც მაღაზიაში, სტენდებზე განთავსებული ძვირადღირებული მობილური ტელეფონების მოპარვას ცდილობდნენ.

გამოძიება ქურდობის მცდელობის ფაქტზე, საქართველოს სსკ-ს 19-177-ე მუხლის მე-2 ნაწილის “გ” ქვეპუნქტით და მე-3 ნაწილის „ა“ ქვეპუნქტით მიმდინარეობს.  დანაშაული 3-დან 7 წლამდე ვადით თავისუფლების აღკვეთას ითვალისწინებს.

ქურდობის მცდელობის ამსახველი ფოტო-ვიდეომასალა გაავრცელა მაღაზია “აიპლუსმა”. არასრულწლოვნებმა სწორედ ამ მაღაზიის გაქურდვა სცადეს.