“ქართული ოცნების” წარმომადგენელი პაატა ლაგვილავა უარყოფს, რომ მმართველი პარტიის ოფისს მეხი დაეცა. ინფორმაცია “ოცნების” ოფისზე მეხის დაცემის შესახებ 2 მაისს, გვიან ღამით, “ნაციონალურ მოძრაობასთან” დაკავშირებულმა ორგანიზაცია “თავისუფალმა ზონამ” გაავრცელა.
“მეხი არაფერს დაცემია, არც არაფერს ეკიდა. ნაცების ოფისთან ბოძს ჰქონდა მოკლე ჩართვა, მოქალაქემ დარეკა 112-ში, მოსულია “ენერგო პრო” და მუშაობენ”, – წერს ლაგვილავა “ფეისბუკზე”.
ზუგდიდში “ნაციონალური მოძრაობისა” და “ქართული ოცნების” ოფისები ერთ ქუჩაზე, ერთმანეთთან ახლოს მდებარეობს.
მთავარი ფოტო: თავისუფალი ზონა