დღეს, 25 ივლისს, ფონიჭალა-მარნეული-გეგუთის გზის მე-14 კილომეტრზე სატვირთო და მსუბუქი ავტომობილები ერთმანეთს ეეჯახა, რის შედეგადაც 3 ადამიანი დაშავდა.
შინაგან საქმეთა სამინისტროს ინფორმაციით, სამივე დაშავებული მსუბუქი ავტომობილით მგზავრობდა. ისინი საავადმყოფოში არიან გადაყვანილი.
გამოძიება სისხლის სამართლის კოდექსის 276-ე მუხლის პირველი ნაწილით მიმდინარეობს, რაც გულისხმობს ავტომობილის, ტრამვაის, ტროლეიბუსის, ტრაქტორის ან სხვა მექანიკური სატრანსპორტო საშუალების მოძრაობის უსაფრთხოების ან ექსპლუატაციის წესის დარღვევას, რამაც ჯანმრთელობის ნაკლებად მძიმე დაზიანება გამოიწვია.
