ახალი ამბები

საქართველოს ევროატლანტიკური კურსის ჩანაწერი შესაძლოა კონსტიტუციაში გაჩნდეს

18 აპრილი, 2017 • 3524
საქართველოს ევროატლანტიკური კურსის ჩანაწერი შესაძლოა კონსტიტუციაში გაჩნდეს

“კონსტიტუციურმა ორგანოებმა თავისი უფლებამოსილებების ფარგლებში მიიღონ ყველა ზომა ევროპულ და ევროატლანტიკურ სტრუქტურებში საქართველოს სრული ინტეგრაციის უზრუნველსაყოფად”, – საქართველოს ახალგაზრდა იურისტთა ასოციაციის წევრის, გიორგი გოცირიძის ინფორმაციით, ეს ჩანაწერი შესაძლოა საქართველოს კონსტიტუციაში გაჩნდეს, რადგან დღეს ის საკონსტიტუციო კომისიას “ქართულმა ოცნებამ” შესთავაზა.

უნდა ეწეროს თუ არა ევროატლანტიკური კურსის შესახებ საქართველოს კონსტიტუციაში? – ამ საკითხის შესახებ დისკუსია მიმდინარე წლის თებერვალში დაიწყო.

საქართველოს პარლამენტის თავმჯდომარის პირველი მოადგილე, თამარ ჩუგოშვილი თებერვალში ამბობდა, რომ სხვადასხვა ორგანიზაციის წევრობის საკითხი კონსტიტუციაში არ უნდა ეწეროს.

ჩუგოშვილი მიიჩნევდა, რომ რომ პრეამბულაში “სამართლებრივად და იურიდიულად” არ არის ადგილი იმ ორგანიზაციებზე ჩანაწერის შესახებ, რომლისკენაც საქართველო ისწრაფვის, თუმცა ჩუგოშვილი აცხადებდა, რომ ამ საკითხთან დაკავშირებით მმართველ გუნდს მკაცრად ჩამოყალიბებული პოზიცია არ აქვს.

საქართელოს ახალგაზრდა იურისტთა ასოციაციის თავმჯდომარე, ანა ნაცვლიშილი კი აცხადებდა, რომ “კონსტიტუციაში ევროატლანტიკური კურსის დაფიქსირება სახელმწიფოებრივი მნიშვნელობის საკითხია”.

მასალების გადაბეჭდვის წესი