The Guradin-ის ცნობით, ამერიკელი პოეტი და მომღერალი, ბობ დილანი ამბობს, რომ ინფორმაციამ იმის შესახებ, რომ ნობელის პრემია გადასცეს, “მეტყველებს უნარი წაართვა”.
The Guradin წერს, რომ შვედეთის აკადემიის მუდმივ მდივანთან, სარა დარიუსთან საუბრისას დილანმა თქვა:
“დიდად ვაფასებ ამ პატივს, თუმცა ამ ამბის გაგებამ უსიტყვოდ დამტოვა”.
Daily Telegraph-თან ინტერვიუში დილანი ამბობს, რომ იგი დაესწრება დაჯილდეობის ცერემონიას, “რამდენადაც ეს შესაძლებელი იქნება”, და დასძენს, რომ მისთვის დაუჯერებელია, თვალი გაუსწოროს იმ ფაქტს, რომ ნობელის პრემიის ლაურეატია.
ნობელის ფონდმა, რომელმაც 28 ოქტომბერს გაავრცელა ინფორმაცია დანიუსისა და დილანის სატელეფონო საუბრის შესახებ, აცხადებს, რომ ჯერ კიდევ არ მიუღიათ დილანისგან თანხმობა, დაესწრება თუ არა დაჯილდოების ცერემონიას.
დილანმა რამდენიმეკვირიანი დუმილი დაარღვია მას შემდეგ, რაც 13 ოქტომბერს გადაეცა ნობელის პრიზი ლიტერატურაში “ამერიკული სიმღერის ტრადიციაში ახალი პოეტური გამოხატვის შექმნისთვის”.
თუმცა აქამდე ბობ დილანი არ პასუხობდა ნობელის კომიტეტის ზარებს , რის შემდეგაც კომიტეტმა შეწყვიტა მცდელობები, დილანს დაკავშირებოდა.
ნობელის პრემიის ლაურეატების დაჯილოება სტოკჰოლმში 10 დეკემბერს გაიმართება და გამარჯვებულებს პრიზს შვედეთის მეფე კალ გუსტაფ XVI გადასცემს.
