“ამერიკული სიმღერის ტრადიციაში ახალი პოეტური გამოხატვის შექმნისთვის” ნობელის პრიზი ლიტერატურაში ბობ დილანს გადაეცა.

ლიტერატურაში ნობელის პრემიის ლაურეატი 2016 წლის 13 ოქტომბერს, 15:00 საათზე გამოცხადდა. ლიტერატურაში ნობელის პრემიის ნომინანტების წარდგენის უფლება მხოლოდ კვალიფიციურ ადამიანებს აქვთ. სრული ინფორმაცია კონკრეტული წლის ნომინანტების შესახებ 50 წლის შემდეგ ვრცელდება. წლების განმავლობაში მას საიდუმლოდ ინახავენ.

ნობელის ლიტერატურის კომიტეტი  თავად უგზავნის მოწვევას იმ ადამიანებს, ვინც კანდიდატები უნდა დაასახელოს. ნომინანტების წარდგენის უფლება აქვს: შვედეთის ან სხვა ქვეყნების აკადემიებს. ასევე, სხვა ინსტიტუტებს, რომელსაც მსგავსი პროფილი აქვთ: ლიტერატურის და ენათმეცნიერების პროფესორებს; ნობელის პრემიის წინა ლაურეატებს, რომელთაც ჯილდო ლიტერატურაში გადაეცათ; ავტორთა საზოგადოების პრეზიდენტებს, რომლებიც ლიტერატურულ პროდუქციას წარადგენენ მათ ქვეყნებში.

[checklist]

• 1901-2015 წლებში, ჯამში, 108 ნობელის პრემია გაიცა ლიტერატურაში
• ჯერჯერობით დაჯილდოვებულია მხოლოდ 14 ქალი
• ლიტერატურის 4 პრემია გაიყო ორ ადამიანს შორის
• ყველაზე ახალგაზრდა ლაურეატი, ვისაც ნობელის პრემია ლიტერატურის დარგში გადაეცა, 41 წლის რადიარდ კიპლინგი იყო
• ყველაზე ასაკოვანი კი- 88 წლის დორის ლესინგი, რომელმაც პრემია 2007 წელს მიიღო
• ლიტერატურაში ნობელიანტების საშუალო ასაკი 65 წელია

[/checklist]