თბილისში 21 და 22 დეკემბერს გაიმართება სამმხრივი შეხვედრა აზერბაიჯანის, საქართველოს და თურქეთის საგარეო საქმეთა მინისტრების მონაწილეობით.
საქართველოს საგარეო საქმეთა მინისტრის, გიორგი კვირიკაშვილის განცხადებით, შეხვედრებზე განხილული იქნება ქვეყნებს შორის სტრატეგიული და ეკონომიკური განვითარების საკითხები, ბაქო-თბილისი-ყარსი რკინიგზის პროექტის რეალიზაციის ვითარება და “აბრეშუმის გზის” პროექტის ფარგლებში სხვა სატრანსპორტო-ლოგისტიკური პროექტები.
