ჭიათურაში მაღაროელების აქცია მიმდინარეობს [ფოტო]

"ქართული ოცნება" კვლავ აპირებს რუსული კანონის მიღებას. ეს კანონპროექტი 2023 წლის მარტში მასობრივი პროტესტის შემდეგ "ოცნებამ" უკან გაიწვია და პირობა დადო, რომ მას აღარასოდეს დაუბრუნდებოდა.
ანალოგიურმა კანონმა რუსეთში გააქრო ყველა დემოკრატიული ინსტიტუტი და გაამყარა პუტინის რეჟიმი.

ჭიათურაში მაღაროელთა საპროტესტო აქცია მიმდინარეობს, რომელზეც “ჯორჯიან მანგანეზში” დასაქმებული მაღაროელები სახელმწიფოსგან მათი პრობლემებით დაინტერესებას ითხოვენ.

საქართველოს მეტალურგიული და სამთო მრეწველობის მუშაკთა პროფკავშირების ხელმძღვანელ თამაზ დოლაბერიძის ცნობით, 300-მდე მაღაროელთან ერთად აქციას სოლიდარობის ნიშნად რუსთავის აზოტის, ქსნის მინის ტარის ქარხნის, ზესტაფონის ფეროშენადნობთა ქარხნისა და ტყიბულის შახტების თანამშრომლები შეუერთდნენ.

დოლაბერიძის ცნობით, აქციაში მონაწილეობენ არასამთავრობო ორგანიზაციები, თბილისის სოლიდარობის ქსელი, სტუდენტთა თვითორგანიზების ქსელი, ჭიათურელთა კავშირი.

საქართველოს მეტალურგიული, სამთო და ქიმიური მრეწველობის პროფკავშირის, ჭიათურის სამთო გამამდიდრებელი კომბინატის პირველადი პროფკავშირული ორგანიზაციის თავმჯდომარის მოადგილის პაატა სამხარაძის თქმით, აქციის მონაწილეები ითხოვენ, რომ სარეზერვო ფონდიდან მთავრობამ ხელფასიდან დაკარგული 40% დაუფაროს.

მაღაროელებმა აქციები 2014 წლის დეკემბერშიც გამართეს, ისინი სამუშაო პირობების გაუმჯობესებასა და “ჯორჯიან მანგანეზის” მფლობელი კომპანიის დირექტორ ვოლოდიმირ ლოზინსკისთან შეხვედრას ითხოვნდნენ.