პოროშენკომ მარცხი აღიარა

პეტრო პოროშენკომ ეგზიტპოლის შედეგების საფუძველზე არჩევნებში დამარცხება აღიარა და კონკურენტ ვლადიმერ ზელენსკის გამარჯვება მიულოცა.

პოროშენკოს თქმით, ეგზიტპოლის შედეგები ნათელია და საფუძველს აძლევს, რომ კონკურენტს მიულოცოს.

ეგიზტპოლის შედეგების თანახმად უკრაინის პრეზიდენტი ვლადიმერ ზელენსკი ხდება. 18 საათის მდგომარეობით, 2 უკრაინული (უცხოური დონორებით დაფინანსებული “ნაციონალური ეგზიტპოლი”; ტელეკომპანია 1+1-ის ეგზიტპოლი) ეგზიტპოლის მიხედვით ზელენსკიმ 72-73 პროცენტი მიიღო, ხოლო მოქმედმა პრეზიდენტმა პეტრო პოროშენკომ 25-27 პროცენტი.

ეს ეგზიტპოლის საბოლოო შედეგები არ არის და ის ადგილობრივი დროით 22 საათზე გამოქვეყნდება.

როგორც ცნობილია, უკრაინაში დღეს საპრეზიდენტო არჩევნების მეორე ტურია პოროშენკოსა და ზელენსკის შორის.

ნეტგაზეთის მასალების სხვა გამოცემებში გადაბეჭდვის წესი
ავტორი
დათო ქოქოშვილი არის ნეტგაზეთის რედაქტორი 2018 წლის 1 თებერვლიდან. მანამდე ის იყო ნეტგაზეთის რეპორტიორი 2013 წლიდან. Email: davit.qoqoshvili@gmail.com