ემზარ კვიციანი დაკავებულია

ემზარ კვიციანი დაკავებულია, ამის თაობაზე ინფორმაციას შინაგან საქმეთა სამინისტროში ადასტურებენ. კვიციანი თბილისის საერთაშორისო აეროპორტში ჩამოფრენისთანავე დააკავეს.

აეროპორტში ემზარ კვიციანის ოჯახის წევრები და ახლობლები იყვნენ შეკრებილი, თუმცა მათ კვიციანთან შეხვედრის საშუალება არ მიეცათ. ემზარ კვიციანი აეროპორტში დაკავების შემდეგ ცენტრალური გასასვლელიდან არ გაუყვანიათ.

 

როგორც კვიციანის ადვოკატი კობა კობახიძე აცხადებს, მას არ გადასცეს დაკავების ოქმი და მისთვის უცნობია, ოქმი გადასცეს თუ არა თავად ემზარ კვიციანს. მისივე ინფორმაციით, ემზარ კვიციანი გლდანის #8–ე დაწესებულებაში გადაიყვანეს, თუმცა აღნიშნული ინფორმაცია შინაგან საქმეთა სამინისტროში არ დაუდასტურებიათ.

 

 

ნეტგაზეთის მასალების სხვა გამოცემებში გადაბეჭდვის წესი


ანი ბერუკაშვილი