თამუნა ბაგრატია გარემოს ეროვნული სააგენტოს უფროსის თანამდებობას ტოვებს

თამუნა ბაგრატია გარემოს ეროვნული სააგენტოს უფროსის თანამდებობას ტოვებს. ბაგრატიას განცხადებით, ამას პირადი განცხადების საფუძველზე აკეთებს.

“მეგობრებო, ჩემი პირადი განცხადების საფუძველზე დღეს ვტოვებ გარემოს ეროვნული სააგენტოს უფროსის თანამდებობას. თითქმის სამი წლის განმავლობაში აქ გავატარე ძალიან კარგი და ნაყოფიერი, ამავე დროს, რთული წელიწადი. ჩემი სააგენტოს უფროსობიდან წასვლის მიზეზი, ბუნებრივია, არ არის ზედაპირული, თავის თავში მოიცავს ბევრ სიღრმისეულ მიზეზს, რომელთა შესახებ უფრო ვრცლად მოგვიანებით ვისაუბრებ, დამერწმუნეთ, მე მუდამ ვიქნები ჩემი ჩემი ქვეყნისა და გარემოს დაცვის სადარაჯოზე და სტატუსი/სტატუსის არქონა ხელს ვერ შემიშლის ჩემი პრინციპების გატარებასა და იმის მიღწევაში, რომ მომავალ თაობებს უკეთესი გარემო დავუტოვოთ. აქვე მადლობა მინდა ვუთხრა ყველა ჩემს თანამშრომელს, ჩვენი ორგანიზაციის პარტნიორს, კეთილისმსურველს, ვინც მგულშემატკივრობდა და ჩემს გვერდით იდგა”, – აცხადებს ბაგრატია.

თამუნა ბაგრატია აღნიშნულ თანამდებობაზე 2015 წლიდან მუშაობს. მის ბიოგრაფიას შეგიძლიათ გაეცნოთ აქ.

ნეტგაზეთის მასალების სხვა გამოცემებში გადაბეჭდვის წესი


ავტორი
დათო ქოქოშვილი არის ნეტგაზეთის რედაქტორი 2018 წლის 1 თებერვლიდან. მანამდე ის იყო ნეტგაზეთის რეპორტიორი 2013 წლიდან. Email: davit.qoqoshvili@gmail.com