“პარტიაში მიმდინარეობს მსჯელობა იმ საკითხებზე, თუ როგორი იქნება ჩვენი შემდგომი ნაბიჯები. დღეს ყველასთვის სრულიად ცხადია, რომ არჩევნები, რომელიც ჩაატარა ბიძინა ივანიშვილმა, მისი შედეგები, სრულად არ გამოხატავს ხალხის ნებას და ვერ ჩაითვლება ლეგიტიმურად. ივანიშვილს სურს, საქართველო გადააქციოს შეზღუდული პასუხისმგებლობის საზოგადოებად. ჩვენ დავფიქრდებით, თუ რა გზა უნდა ავირჩიოთ და რა ნაბიჯები გადავდგათ,” – განაცხადა სერგო რატიანმა.

სერგო რატიანი საერთაშორისო და სადამკვირვებლო არასამთავრობო ორგანიზაციის შეფასებებზე კომენტარს არ აკეთებს.

ბოლო მონაცემებით, ქართულ ოცნებას 48,6% აქვს, ნაციონალურ მოძრაობას- 27,14. ამ ეტაპზე მხოლოდ 3 უბანია დასათვლელი.