19238

საქართველოში ქარის პირველი ელექტროსადგურის მშენებლობა 2015 წელს დაიწყება

20 მგვტ სიმძლავრის ქარის პირველი ელექტროსადგურის “ქართლის” მშენებლობა 2015 წელს დაიწყება. ენერგეტიკის სამინისტროს ინფორმაციით, “ქართლი” პირველი საპილოტე პროექტია, რომელსაც სახელმწიფო საკუთარი სახსრებით ააშენებს და მისი საინვესტიციო ღირებულება 30 მილიონი აშშ დოლარია.

ენერგეტიკის სამინისტროს ინფორმაციით, საქართველოს ენერგეტიკის განვითარების ფონდმა ქარის ელექტროსადგურის პროექტის ტექნიკურ-ეკონომიკური კვლევა დაასრულა.

 

ამჟამად „საქართველოს ენერგეტიკის განვითარების ფონდი“ ბელგიურ კომპანია „tractebel-engineering“-თან საკონსულტაციო მომსახურების შესყიდვაზე ხელშეკრულებას აფორმებს, რაც ითვალისწინებს ქარის ელექტროსადგურის მშენებლობის პროექტის ფარგლებში ტურბინებისა და სამშენებლო სამუშაოების შესყიდვისთვის საჭირო სატენდერო დოკუმენტაციის მომზადებას. ბელგიური მხარე პროექტს სამშენებლო ეტაპზე და ექსპლუატაციაში შევსლიდან 2 წლის განმავლობაში გაუწევს მონიტორინგს.

 

ქარის ელექტროსადგურის წლიური გამომუშავება 68.3 მლნ. კვტ.სთ იქნება, რაც გულისხმობს მთლიანი დადგმული სიმძლავრის 39 %-ის გამოყენებას.

 

შეგახსენებთ, რომ “საქართველოს ენერგეტიკის განვითარების ფონდი” უკვე თანამშრომლობს კომპანია “tractebel-engineering” თან.

 

ბელგიურმა კომპანიამ ფონდის მიერ გამოცხადებულ ტენდერში გაიმარჯვა და ბუნებრივ აირზე მომუშავე 500 მგვტ სიმძლავრის თბოელექტროსადგურის პროექტზე წინასწარ ტექნიკურ-ეკონომიკური დასკვნას ამზადებს.

ქარის ენერგია
ქარის ენერგია
ნეტგაზეთის მასალების სხვა გამოცემებში გადაბეჭდვის წესი
ნინო ნატროშვილი