დღეს, 23 ოქტომბერს, მთავრობის სხდომაზე 3 ქარისა და 5 ჰიდროელექტროსადგურის პროექტი განიხილეს. ამის შესახებ ინფორმაციას მთავრობის ადმინისტრაცია ავრცელებს.
მათივე ცნობით, აღნიშნული პროექტების განხორციელება იგეგმება საქართველოს სხვადასხვა რეგიონში, მათ შორის, სამცხე-ჯავახეთში, კახეთში, შიდა ქართლსა და იმერეთში.
ადმინისტრაციის ინფორმაციით, მთავრობის სხდომაზე წარდგენილი ენერგეტიკული პროექტების დადგმული სიმძლავრე ჯამურად 250 მგვტ-ზე მეტია, ხოლო ჯამური ინვესტიცია 400 მლნ აშშ დოლარს აჭარბებს.
„აღნიშნული ელექტროსადგურების ინვესტორ კომპანიებთან შესაბამისი ხელშეკრულებები გაფორმდება, რომელთა საფუძველზეც დაიწყება პროექტების ტექნიკურ-ეკონომიკური განხორციელებადობის საკითხთა შესწავლა, ასევე სამშენებლო სამუშაოები“, – ნათვქამია მთავრობის ადმინისტრაციის მიერ გავრცელებულ ინფორმაციაში.