06:30 საათზე საგამოცდო ტესტები პოლიციის სამმართველოებიდან საგამოცდო ცენტრებამდე მიიტანეს.
პირველი გამოცდის პირველი სესიისათვის რეგისტრაცია 08:00 საათზე, გამოცდა კი 09:00 საათზე დაიწყო.
საქართველოს 12 ქალაქში გახსილ 18 საგამოცდო ცენტრში პირველ სესიაზე 10 ათასზე მეტი აბიტურიენტი გაივლის ტესტირებას. განათლებისა და მეცნიერების სამინისტროს ცნობით, საგამოცდო პროცესში 1800-ზე მეტი მეთვალყურე და კურატორია ჩართული.
დაახლოებით ამდენივე აბიტურიენტია მეორე სესიაზე, რომლისთვისაც რეგისტრაცია 14:00 საათზე, გამოცდა კი 15:00 საათზე დაიწყება.
“ყველა საგამოცდო ცენტრში გახსნილია სამედიცინო პუნქტი, რომელიც აღჭურვილია პირველადი დახმარებისათვის საჭირო მედიკამენტებით, ნებისმეირი სახის ინცინდენტის თავიდან ასაცილებლად კი ცენტრების მიმდებარე ტერიტორიაზე იმორიგევებს სასწრაფო დახამრების მანქანა, სამაშველო სამსახური. წესრიგს კი საპატრულო პოლიცია უზრუნველყოფს”, – ნათქვამია გამოცდების ეროვნული ცენტრის განცხადებაში.
