განათლების მინისტრის ახალი ბრძანებით, უნივერსიტეტებს საშუალება ექნებათ, სურვილისამებრ, სამაგისტრო პროგრამები ერთწლიანი გახადონ, ამჟამინდელი ორწლიანის ნაცვლად.
სამინისტროს ცნობით: „უახლოეს მომავალში მიღებული იქნება შესაბამისი საკანონმდებლო რეგულაციები, რომლებიც უნივერსიტეტებს მისცემს საშუალებას, განახორციელონ 1-წლიანი (60-კრედიტიანი) სამაგისტრო პროგრამები“.
გარდა ამისა, უნივერსიტეტებს მინისტრის გუშინდელი ბრძანებით უფლება მიეცათ, რიგი საბაკალავრო პროგრამა სამწლიანიც გახადონ.