ნეტგაზეთი | კორძაია: რ2-ის შინაარსობრივი რეგულირების საკითხზე სასამართლოს არ უნდა ემსჯელა [აუდიო] კორძაია: რ2-ის შინაარსობრივი რეგულირების საკითხზე სასამართლოს არ უნდა ემსჯელა [აუდიო] – Netgazeti
RU | GE  

კორძაია: რ2-ის შინაარსობრივი რეგულირების საკითხზე სასამართლოს არ უნდა ემსჯელა [აუდიო]

საპარლამენტო უმრავლესობის წევრი, რესპუბლიკური პარტიის წარმომადგენელი თამარ კორძაია მიიჩნევს, რომ სასამართლოს არ უნდა ემსჯელა რუსთავი 2-ის შინაარსობრივი რეგულირების საკითხზე და ამ ნაწილში სასამართლომ თავის კომპეტენციას გადააჭარბა.

“რატომ მისცა სასამართლომ საკუთარ თავს უფლება და რატომ გადაწყვიტა შინაარსობრივ ნაწილთან დაკავშირებით გაეკეთებინა კომენტარი და გაეკეთებინა მითითებები. მე ვფიქრობ, რომ ამ ნაწილში სასამართლოს გადაწყვეტილება აშკარად აჭარბებს საკუთარ უფლებამოსილებას, ვინაიდან თუ შინაარსობრივ ნაწილს დაარღვევს ტელემაუწყებელი, ეს არ არის წინასწარი რეგულირების სფერო. წინასწარი რეგულირება დაუშვებელია გამოხატვის თავისუფლების სტანდარტებით და თუ ლიცენზიით დადგენილ პირობებს დაარღვევს ტელევიზია, მაშინ ეს უკვე არის კომუნიკაციების ეროვნული კომისიის განსჯადი თემა. ეს არის შემდგომ რეაგირების თემა და არა სასამართლოს წინასწარ განსჯადი. სასამართლოს ამ საკითხზე არ უნდა ემსჯელა, თუნდაც ყოფილიყო ამაზე მხარის – ხალვაშის მოთხოვნა”, – აცხადებს თამარ კორძაია.

 

დეპუტატის შეფასებით, სიტუაცია საკმაოდ კრიტიკულია და რუსთავი 2-თან დაკავშირებით ორივე მხარემ სახელმწიფოებრივად უნდა შეხედოს საკითხს.

 

“სახელმწიფოს როლს ვხედავ ზემდგომი ინსტანციების სასამართლოში, იმედი მაქვს, რომ ზემდგომი ინსტანციის სასამართლოები უფრო დასაბუთებულ გადაწყვეტილებებს მიიღებენ”, – აცხადებს თამარ კორძაია.

 

დეპუტატთან ინტერვიუს სრულ ვერსიას ამ საკითხზე უსმინეთ აქ:

ნეტგაზეთის მასალების სხვა გამოცემებში გადაბეჭდვის წესი
მაია მეცხვარიშვილი