ახალი ამბები

პრემიერი: თბილისის მოქალაქეებს აწუხებთ ის, რომ ქალაქში ძალიან მცირე სარეკრეაციო ზონა დარჩა

25 იანვარი, 2016 • 983
პრემიერი: თბილისის მოქალაქეებს აწუხებთ ის, რომ ქალაქში ძალიან მცირე სარეკრეაციო ზონა დარჩა

საქართველოს პრემიერ-მინისტრმა თბილისის მერს სარეკრეაციო და ე.წ City Resort-ების განვითარების შესაძლებლობებთან დაკავშირებით ინფორმაციის მაქსიმალურად დაჩქარებულ ვადებში წარმოდგენა სთხოვა.

„ჩვენს თანამოქალაქეებს აწუხებთ ის, რომ ქალაქში ძალიან მცირე სარეკრეაციო ზონა დარჩა. ჩვენ მხარს დაგიჭერთ ყველა პროცედურის გამარტივებაში, რათა მაქსიმალურად დავაჩქაროთ ე.წ. City resort-ების განვითარება,“ – განაცხადა პრემიერ-მინისტრმა.

განსაკუთრებული ყურადღება ამ პროექტში პრემიერმა თბილისის ზღვის განაშენიანების გენერალურ გეგმას დაუთმო, რომელსაც თბილისის მერია მოკლე ვადებში წარმოადგენს, აცხადებს მთავრობა.

მთავრობის ცნობით, მორიგი სამუშაო შეხვედრა თბილისის მერიის წარმომადგენლებთან დედაქალაქში განსახორციელებელი პროექტების პრიორიტეტიზაციასთან დაკავშირებით უახლოეს დღეებში გაიმართება.

მასალების გადაბეჭდვის წესი