“ევროპამ გაიღვიძა” – ასე ეხმაურება პოლონეთის პრემიერ-მინისტრი, დონალდ ტუსკი ლონდონში გამართულ სამიტს უკრაინის შესახებ. მან 2-საათიან შეხვედრას, სადაც კანადის, თურქეთის და ევროპის ქვეყნების ლიდერებმა, ასევე ევროკავშირისა და NATO-ს ხელმძღვანელმა პირებმა რეგიონის უსაფრთხოებაზე იმსჯელეს, ისტორიული უწოდა.
“ევროპამ გაიღვიძა. ევროკავშირი, უკრაინა, დიდი ბრიტანეთი, ნორვეგია, თურქეთი – ყველა ერთ ხმაში საუბრობს უკრაინის დახმარებაზე, მჭიდრო ტრანსატლანტიკური თანამშრომლობის საჭიროებაზე და აღმოსავლეთის საზღვრების გაძლიერებაზე”, – წერს ტუსკი სოციალურ ქსელში.
Europa się obudziła. Unia, Ukraina, Wielka Brytania, Norwegia, Turcja – wszyscy mówią jednym głosem o pomocy Ukrainie, potrzebie ścisłej współpracy transatlantyckiej i wzmocnieniu wschodniej granicy. pic.twitter.com/Y07pM5ztBR
— Donald Tusk (@donaldtusk) March 2, 2025
2 თებერვალს, ლონდონში, უკრაინაში რუსეთის ომის შესახებ სამიტი გაიმართა. ღონისძიებაში კანადისა და ევროპის 10-ზე მეტი ქვეყნის ლიდერები, ასევე ევროკავშირისა და NATO-ს ხელმძღვანელი პირები იღებენ მონაწილეობას.
ღონისძიებას ბრიტანეთს პრემიერ-მინისტრი, კირ სტარმერი მასპინძლობს. სწორედ სტარმერს შეხვდა უკრაინის პრეზიდენტი, ვოლოდიმირ ზელენსკი მას შემდეგ, რაც ვაშინგტონში მისი და აშშ-ს პრეზიდენტის, დონალდ ტრამპის შეხვედრა სიტყვიერი დაპირისპირებით დასრულდა.
კამათის შემდეგ, ზელენსკიმ თეთრის სახლის დაგეგმილზე ადრე დატოვა, ტრამპმა კი განაცხადა, რომ ზელენსკი მშვიდობის მისაღწევად მზად არ არის. ვაშინგტონ პოსტის ინფორმაციით, ტრამპის ადმინისტრაცია უკრაინისთვის სამხედრო მხარდაჭერის სრულად შეწყვეტის საკითხს განიხილავს.
ამავე თემაზე:
