პარლამენტის ეროვნული ბიბლიოთეკის მოქმედი დირექტორი, გიორგი კეკელიძე, სოციალურ ქსელში პოსტს აქვეყნებს და ამბობს, რომ პარლამენტის თავმჯდომარემ შალვა პაპუაშვილმა უთხრა, დროა დაკავებული თანამდებობა დატოვოს.
“პარლამენტის თავმჯდომარე შემხვდა და მითხრა, რომ უნდა წავიდე დაკავებული თანამდებობიდან, რადგან 11 წელი ბევრია, მიუხედავად იმისა, რომ კარგად ვმუშაობდი და განახლების დროა. მე მშვიდად ვუთხარი, რომ იურიდიულად ეს მისი გადასაწყვეტია, მაგრამ არსებობს სხვა სამართალი და ამ სამართლით ეს არის ძალიან დიდი უსამართლობა”, – წერს კეკელიძე.
ნეტგაზეთი კომენტარისთვის პარლამენტს დაუკავშირდა. მათგან განმარტების მიღების შემთხვევაში სტატია განახლდება.
საქართველოს პარლამენტის ეროვნული ბიბლიოთეკის გენერალური დირექტორის პოსტს გიორგი კეკელიძე 2012 წლიდან იკავებს.
საქართველოს კანონით საქართველოს პარლამენტის ეროვნული ბიბლიოთეკის შესახებ, ბიბლიოთეკის დირექტორს თანამდებობაზე ნიშნავს და თანამდებობიდან ათავისუფლებს საქართველოს პარლამენტის თავმჯდომარე.
