საქართველოს საგარეო საქმეთა მინისტრი ილია და დარჩიაშვილი 25-26 სექტემბერს ბრიუსელში სამუშაო ვიზიტს გამართავს.
საგარეო საქმეთა სამინისტროს ინფორმაციით, დარჩიაშვილი შეხვედრებს გამართავს ევროკომისართან გაფართოებისა და სამეზობლო პოლიტიკის საკითხებში, ევროკომისართან შინაგან საქმეთა საკითხებში, ევროკომისიის ვიცე-პრეზიდენტთან, ევროკომისართან ღირებულებებისა და გამჭვირვალობის საკითხებში, ევროკომისართან ენერგეტიკის საკითხებში და ევროკომისართან ეკონომიკის საკითხებში.
ვიზიტის ფარგლებში ილია დარჩიაშვილი ასევე შეხვდება ევროკომისიის სამეზობლოსა და გაფართოებაზე მოლაპარაკებათა გენერალური დირექტორატის გენერალურ დირექტორს. ასევე გაიმართება სამუშაო შეხვედრა ევროკავშირის წევრი ქვეყნების მუდმივ წარმომადგენლებთან.