საქართველოს პრეზიდენტმა დღეს, 12 სექტემბერს, 9 მსჯავრდებული შეიწყალა. ამის შესახებ ინფორმაციას პრეზიდენტის ადმინისტრაცია ავრცელებს.
მათივე ცნობით, შეწყალებულთაგან 5 მსჯავრდებული სრულად გათავისუფლდა პატიმრობიდან და პენიტენციურ დაწესებულებას დღესვე დატოვებს, ხოლო 4 მსჯავრდებულს პენიტენციურ დაწესებულებაში მოსახდელად დარჩენილი სასჯელის ვადა შეუმცირდა.
მათივე ინფორმაციით, გათავისუფლებულ მსჯავრდებულთაგან 2 ქალი მსჯავრდებულია.