შინაგან საქმეთა სამინისტროს ინფორმაციით, შოვში დილიდან განახლდა ვერტმფრენით მოქალაქეების ევაკუაცია და ამ ეტაპზე სტიქიის ზონიდან უკვე გამოყვანილია დაახლოებით 60 ადამიანი.
შსს-ს ცნობითვე, ვერტმფრენი განაგრძობს ევაკუაციას.
გუშინ, 3 აგვისტოს, შოვში მეწყერი ჩამოწვა. მეწყერმა თან მოიყოლა საცხოვრებელი კოტეჯებიც.
ღამით შეჩერებული იყო ვერტმფრენით მათი ევაკუაცია. ოფიციალური უწყებები ამბობდნენ, რომ 152 ადამიანი, ვინც სტიქიის ზონაში უსაფრთხო ადგილას იმყოფება, უზრუნველყოფილია ყველაფრით, რაც შეიძლება ღამის განმავლობაში დასჭირდეთ.
ნახეთ ასევე:
- შსს-მ დაკარგულებთან დაკავშირებით ცხელი ხაზის ნომერი სტიქიიდან დაახლოებით 9 საათში გამოაქვეყნა;
- მოქალაქე ამბობს, რომ ვერ უკავშირდება ცოლ-შვილს, რომლებიც შოვში, სტიქიის ზონაში ჩარჩნენ
- 6 ადამიანი, ვისაც ვერ ვუკავშირდებოდით, კავშირზეა და უსაფრთხოდ არიან — ინფრასტრუქტურის მინისტრი
- მოქალაქე სტიქიის ზონაში ოჯახის 9 წევრს ვერ უკავშირდება