აჭარის ტელევიზიასა და რადიოში მრჩეველთა საბჭო გაუქმდა.  „მაუწყებლობის შესახებ“  კანონში შესული ცვლილებები საქართველოს საკანონმდებლო მაცნეს ვებგვერდზე უკვე ასახულია.

საკანონმდებლო ცვლილებები, რომლის მიხედვითაც საზოგადოებრივი მაუწყებლის აჭარის ტელევიზიასა და რადიოში მრჩეველთა საბჭო გაუქმდა, პარლამენტში „ქართული ოცნების“ მხარდაჭერით საბოლოოდ 3 ივლისს მიიღეს.

მიუხედავად იმისა, რომ მედიის ადვოკატირების კოალიციის წევრები პრეზიდენტს ვეტოს გამოყენების მოთხოვნით მიმართავდნენ,  „მაუწყებლობის შესახებ“  კანონში შესულ ცვლილებებს ვეტო არ დაადო.

მედიის ადვოკატირების კოალიციაში მიიჩნევენ, რომ კანონი ძირს უთხრის საზოგადოებრივი მაუწყებლის დამოუკიდებლობისა და გამოხატვის თავისუფლების პრინციპებს, რომლებიც ნებისმიერი დემოკრატიული საზოგადოების ქვაკუთხედია.

• კოალიცია პრეზიდენტს მოუწოდებს, აჭარის ტელევიზიაზე ცვლილებებს ვეტო დაადოს
• რატომ ვიცავ აჭარის მაუწყებლის მრჩეველთა საბჭოს – ნათია კაპანაძე
• „კონსულტაციები არ ყოფილა“ — აჭარის ტელევიზიის მრჩეველთა საბჭოს წევრები ცვლილებებზე
• „ოცნება“ აჭარის ტელევიზიაში მრჩეველთა საბჭოს აუქმებს