გაერთიანებული სამეფოს თავდაცვის მდივანმა ბენ უოლესმა დაადასტურა, რომ მინისტრთა კაბინეტში მორიგი ცვლილებებისას თანამდებობიდან წავა.
უოლესმა Sunday Times-ს განუცხადა, რომ მომავალ საყოველთაო არჩევნებზე საკუთარ კანდიდატურას აღარ დააყენებს, მაგრამ გამორიცხა „ნაადრევად“ გადადგომა, რათა შუალედური არჩევნები არ გამოიწვიოს.
უოლესი თავდაცვის მდივნის თანამდებობაზე სამი პრემიერ-მინისტრის დროს იკავებდა და როგორც BBC წერს, დიდი როლი ითამაშა უკრაინის ომზე დიდი ბრიტანეთის პასუხში.
წყაროებმა BBC-ს განუცხადეს, რომ ისინი მომავალ ცვლილებას სექტემბერში ელიან.
