რუსმა სამხედროებმა დღეს საქართველოს ექვსი მოქალაქე დააკავეს

საქართველოს სახელმწიფო უსაფრთხოების სამსახურის ცნობით, დღეს, 7 ივლისს, რუსეთის საოკუპაციო ძალებმა უკანონოდ დააკავეს საქართველოს ექვსი მოქალაქე.

როგორც სუს-ის უფროსის პირველმა მოადგილემ ალექსი ბატიაშვილმა დღეს საქართველოს პარლამენტში განაცხადა, აღნიშნულ ფაქტზე ამოქმედებულია ცხელი ხაზი და ჩართული არიან საერთაშორისო პარტნიორები.

საქართველოს სახელმწიფო უსაფრთხოების სამსახურის 2022 წლის ანგარიშის მიხედვით, რომელიც უწყებამ დღეს პარლმენტში წარმოადგინა, მხოლოდ 2022 წელს რუსეთის ძალების მიერ საქართველოს მოქალაქეების უკანონო დაკავების 57 შემთხვევა მოხდა – ცხინვალის მიმართულებით -44 ფაქტი, აფხაზეთის მიმართულებით – 13.

ამასთან, საქართველოს სახელმწიფო უსაფრთხოების სამსახურის 2022 წლის ანგარიშის მიხედვით, რუსეთის საოკუპაციო ძალა აქტიურად განაგრძნობდა ე.წ. ბორდერიზაციის პროცესს.