პარლამენტის თავმჯდომარის, შალვა პაპუაშვილის განცხადებით, ლაზარე გრიგორიადისის ციხეში მონახულებაზე უარი დეპუტატებს იმიტომ უთხრა, რომ ამ საკითხის პოლიტიზების საფრთხეს ხედავს.
მისი თქმით, პენიტენციურ დაწესებულებაში შესვლა და მონახულება არა დეპუტატის, არამედ პარლამენტის თავმჯდომარის უფლებაა, რომლის დელეგირებაც მას შეუძლია პარლამენტის წევრზე.
„სამწუხაროდ, პარლამენტის წევრები ამ უფლებით გადაჭარბებულად სარგებლობენ. რაც სცდება ხოლმე იმ ზღვარს, რომელიც განსაზღვრულია უფლებებთან დაკავშირებით ან სხვა მხრივ ინტერესთან მონახულების. ამ კონკრეტულ შემთხვევას რაც შეეხება, იცით, რომ სახალხო დამცველის წარმომადგენელმა მოინახულა ეს კონკრეტული ბრალდებული პირი, მისი ადვოკატი შეუფერხებლად შედის და ყველაფერი საჯაროა და არ მგონია, რომ არსებობს დამატებითი უფლებრივი მხრივ ჩარევის და მონახულების საჭიროება.
მეორე მხრივ, მე ვხედავ საფრთხეს, მოხდეს ამ საკითხის პოლიტიზირება და თქვენ გამოსვლას სწორედ ეს შინაარსი აქვს, გინდათ აქ პოლიტიკური ასპექტი ჩადოთ, ეს არის სწორედ საფრთხე, მათ შორის, მართლმსაჯულებისთვის“, – განაცხადა შალვა პაპუაშვილმა.
ოპოზიციონერი დეპუტატების განცხადებით, პარლამენტის თავმჯდომარემ ლაზარე გრიგორიადისის ციხეში მონახულებაზე უარი უთხრა.
პარლამენტის თავმჯდომარისგან ლაზარე გრიგორიადისის ციხეში მოინახულების ნებართვას „ლელოს“ წევრი ანა ნაცვლიშვილი და „ნაციონალური მოძრაობის“ წევრი ანი წითლიძე ითხოვდნენ.
ამ თემაზე გირჩევთ: