ახალი ამბები

თურქეთში ნანგრევებში საქართველოს კიდევ ერთი გარდაცვლილი მოქალაქე იპოვეს

10 თებერვალი, 2023 •
თურქეთში ნანგრევებში საქართველოს კიდევ ერთი გარდაცვლილი მოქალაქე იპოვეს

თურქეთის რესპუბლიკაში მომხდარი ძლიერი მიწისძვრის შედეგად ქალაქ ისქენდერუნში გარდაცვლილი იპოვეს საქართველოს კიდევ ერთი მოქალქე მ.შ.

თურქეთში საქართველოს საელჩოში არსებული ინფორმაციით, ცხედარი გადასვენებულია პროზექტურაში.

თურქეთში, კაჰრამანმარაშის პროვინციაში, დამანგრეველი მიწისძვრა 6 თებერვალს, გამთენიისას მოხდა, რის შედეგადაც, 10 თებერვლის დილის მონაცემებით, მხოლოდ თურქეთში 18 342 ადამიანი დაიღუპა და 74 242 დაშავდა. მიწისძვრამ ნგრევა გამოიწვია სირიაშიც, სადაც, სულ მცირე, 3 ათასზე მეტი ადამიანია დაღუპული.

სამაშველო სამუშაოები ამ დრომდე გრძელდება. თურქეთში არაერთმა ქვეყანამ გაგზავნა სამაშველო ჯგუფები, მათ შორის, საქართველომაც.

ამ დროისთვის არსებული მონაცემებით, თურქეთში მიწისძვრას ემსხვერპლა საქართველოს 4 მოქალაქე.

მასალების გადაბეჭდვის წესი