ახალი ამბები

შრი-ლანკის პრეზიდენტი ქვეყანაში საპროტესტო აქციების ფონზე მალდივებზე გაფრინდა

13 ივლისი, 2022 • 513
შრი-ლანკის პრეზიდენტი ქვეყანაში საპროტესტო აქციების ფონზე მალდივებზე გაფრინდა

შრი-ლანკის პრეზიდენტმა გოტაბაია რაჯაპაკსამ ქვეყანა დატოვა და მალდივებზე გაფრინდა.

ინფორმაციას ამის შესახებ Reuters ავრცელებს. გამოცემა წერს, რომ მას შემდეგ, რაც შრი-ლანკაში მასობრივი საპროტესტო აქციების მონაწილეები პრეზიდენტისა და პრემიერ-მინისტრის რეზიდენციებში შეიჭრნენ, რაჯაპაკსამ გადადგომის პირობა დადო, თუმცა დაპირების შესრულებამდე რამდენიმე საათით ადრე ქვეყანა დატოვა.

Reuters-ის ინფორმაციით, რაჯაპაკსამ ქვეყანა ცოლთან და ორ პირად მცველთან ერთად დატოვა. გამოცემა წყაროზე დაყრდნობით აცხადების, რომ შრი-ლანკის პრეზიდენტი მალდივების დედაქალაქში გაემგზავრა და, სავარაუდოდ, იქიდან აზიის სხვა ქვეყანაში წასვლას განიხილავს.

შრი-ლანკაში უკვე რამდენიმე დღეა მოსახლეობა, ქვეყანაში შექმნილი ეკონომიკური კრიზისის გამო, პრეზიდენტისა და პრემიერ-მინისტრის გადადგომას მოითხოვს. შრი-ლანკაში მაღალი ინფლაცია და პირველადი საჭიროების პროდუქციის, მათ შორის საწვავის, მედიკამენტებისა და საკვების ნაკლებობაა.

მასალების გადაბეჭდვის წესი