ავსტრიის კანცლერი კარლ ნეჰამერი ამბობს, რომ ვლადიმერ პუტინთან საუბრის შემდეგ ოპტიმისტურად არ არის განწყობილი.
„არ ვარ განსაკუთრებით ოპტიმისტურად განწყობილი პუტინთან საუბრის შემდეგ. ნათელია, რომ აღმოსავლეთ უკრაინაში მასიური შეტევა მზადდება“, – ამბობს კანცლერი.
Reuters წერს, რომ ნეჰამერის შეფასებით მას ჰქონდა „ძალიან პირდაპირი, ღია და ხისტი“ საუბარი პუტინთან, შეხვედრა კი მოსკოვთან ახლოს გაიმართა.
„ეს არ იყო მეგობრული შეხვედრა“ – აცხადებს კანცლერი. ის ამატებს, რომ მან სოლიდარობა გამოხატა უკრაინის მიმართ, ასევე დაგმო რუსეთის ქმედებები.
„ჩემი მთავარი გზავნილი პუტინისადმი იყო ის, რომ ომი საბოლოოდ უნდა დასრულდეს, რადგან ომში არიან მხოლოდ წაგებულები“, – ამბობს კარლ ნეჰამერი.