ახალი ამბები

ზურაბიშვილის პასუხს ომზე დადებითად 64% აფასებს, ღარიბაშვილისას – 41%

15 მარტი, 2022 • 1218
ზურაბიშვილის პასუხს ომზე დადებითად 64% აფასებს, ღარიბაშვილისას – 41%

CRRC-ის ახალი კვლევის თანახმად, პრეზიდენტ სალომე ზურაბიშვილის მოქმედებებს რუსეთ-უკრაინის ომთან დაკავშირებით ახალი კვლევის ფარგლებში გამოკითხული მოსახლეობის 64% აფასებს დადებითად.

პრემიერ-მინისტრის, ირაკლი ღარიბაშვილის ქმედებებს დადებითად მხოლოდ 41% მიიჩნევს.

ყველაზე ნაკლებად გამოკითხულებს პარლამენტის მოქმედებები მოსწონთ – დადებითად პარლამენტის მოქმედებებს 34% აფასებს.

ყველაზე დადებითად (65%) გამოკითხულები ქართული მედიის მოქმედებებს აფასებენ დადებითად.

წყარო: CRRC. შენიშვნა: ტექსტში დაჯამებულია გამოკითხულთა პასუხები „კარგად“ და „ძალიან კარგად“.

აღსანიშნავია, რომ სალომე ზურაბიშვილის მოქმედებებს დადებითად აფასებენ როგორც „ქართული ოცნების“, ისე ოპოზიციის ამომრჩევლები.

ირაკლი ღარიბაშვილს კი ძირითადად „ქართული ოცნების“ მხარდამჭერები უწონებენ მოქმედებებს.

მეთოდოლოგია:

გამოკითხვის მეთოდი იყო სატელეფონო გამოკითხვა ნომრების შემთხვევითი გენერირების გზით. საველე სამუშაოები 7-10 მარტის შუალედში ჩატარდა და გამოიკითხა 1092 ადამიანი. ცდომილება 2.96% – ია, გამოპასუხების დონე – 24%.

ნახეთ ასევე:

მასალების გადაბეჭდვის წესი