შეერთებული შტატების სახელმწიფო დეპარტამენტი იუწყება, რომ პრეზიდენტ ზურაბიშვილთან სატელეფონო საუბრისას სახელმწიფო მდივანმა ენტონი ბლინკენმა მას მადლობა გადაუხადა „ქართველი ხალხისა და პრეზიდენტ ზურაბიშვილის პირადი, ურყევი მხარდაჭერისთვის უკრაინის მიმართ“.
„მან [ბლინკენმა] ხაზი გაუსვა, რომ შეერთებული შტატები მტკიცედ უჭერს მხარს საქართველოს სუვერენიტეტსა და მის ტერიტორიულ მთლიანობას საერთაშორისოდ აღიარებულ საზღვრებში. ბლინკენმა აღნიშნა, რომ შეერთებული შტატები გააგრძელებს ქართველი ხალხის მხარდაჭერას დემოკრატიული, მშვიდობიანი, აყვავებული ევრო-ატლანტიკური მომავლის გზაზე“, – წერია სახელმწიფო დეპარტამენტის პრეს-რელიზში.
.@SecBlinken and Georgian President @Zourabichvili_S discussed Russia’s premeditated, unprovoked, and unjustified attack on Ukraine, as well as Russia’s continuing occupation of Georgia. We appreciate the people of Georgia’s support for Ukraine. https://t.co/JeG1SzFyRO
— Ned Price (@StateDeptSpox) March 3, 2022
ნახეთ ასევე:
იმედი მაქვს, ენტონი ბლინკენი მალე ეწვევა საქართველოს – ზურაბიშვილი