2 ნოემბერს საქართველოს მასშტაბით მხოლოდ 3 868 ადამიანი აიცრა.
ინფორმაციას ამის შესახებ დაავადებათა კონტროლის ცენტრი (NCDC) ავრცელებს. 3 868 ადამიანს შორის, რომლებიც გასული 24 საათის განმავლობაში აიცრა, არიან როგორც პირველი, ასევე მეორე დოზით ვაქცინირებულები.
NCDC-ის ინფორმაციით 3 ნოემბრის მონაცემებით, ქვეყნის მასშტაბით სულ ჩატარებულია 1 986 729 აცრა, აქედან, სულ მცირე, ერთი დოზით ვაქცინირებულია 1 040 022 ადამიანი, რაც მოზრდილი მოსახლეობის 36.6 %-ს შეადგენს.
სრულად ვაქცინირებულთა რიცხვი კი 944 520-ია, რაც მოზრდილი მოსახლეობის 33.1%-ს შეადგენს.
გასული დღე-ღამის განმავლობაში ქვეყნის მასშტაბით კორონავირუსით ინფიცირების 6 024 ახალი დადასტურებული შემთხვევა გამოვლინდა, გარდაიცვალა კიდევ 49 ადამიანი.
რაც შეეხება დადებითობის მაჩვენებელს, 2 ნოემბრის მდგომარეობით, დადებითობის დღიური მაჩვენებელი არის 10.33%, ბოლო 14 დღის მანძილზე – 9.13% ხოლო 7 დღის მანძილზე – 9.46%.
დღეს ქვეყანაში გამოვლენილი ინფიცირების 6 024 ახალი შემთხვევა შემდეგნაირად ნაწილდება:
- თბილისი – 2 237,
- აჭარა – 229,
- იმერეთი – 1 148,
- ქვემო ქართლი – 417,
- შიდა ქართლი – 508,
- გურია – 183,
- სამეგრელო – ზემო სვანეთი – 401,
- კახეთი – 553,
- მცხეთა-მთიანეთი – 124,
- სამცხე-ჯავახეთი – 163,
- რაჭა-ლეჩხუმი და ქვემო სვანეთი – 61.
ამ ეტაპზე ინფიცირების მიმდინარე აქტიური შემთხვევა 49 114, საიდანაც 6 546 ადამიანი მკურნალობს საავადმყოფოში. ხელოვნური სუნთქვის აპარატზე იმყოფება 337 პირი.
