შპს ,,აჭარის პროექტების მართვის კომპანიამ“ 2021 წლის 29 ივნისს სახელმწიფო შესყიდვების ერთიანი პორტალის მეშვეობით გამოაცხადა კონკურსი ქალაქ ქობულეთში, 9 აპრილის N28 მდებარე მიწის ნაკვეთზე საკადასტრო კოდით (ს/კ 20.42.06.981 და 20.42.06.956) სპორტული კომპლექსის მშენებლობისა და ლანდშაფტური დაგეგმარების დეტალური საპროექტო-სახარჯთაღრიცხვო დოკუმენტაციის მომზადების შესყიდვის მიზნით.

შესყიდვის სავარაუდო ღირებულება შეადგენს 496 000 ლარს დღგ-ს გარეშე. წინადადებების მიღება მთავრდება 2021 წლის 20 ივლისს.

საკონკურსო პირობების შესაბამისად საპროექტო დოკუმენტაციით გათვალისწინებული უნდა იყოს:

შენობაში 1 მინი მოედანი (ფეხბურთის, კალათბურთის, ხელბურთის) ტრიბუნებით (არანაკლებ 500 კაცზე), რომელიც უნდა დაპროექტდეს საერთაშორისო სტანდარტის შესაბამისად, რეკომენდირებული ზომები: სიგრძე 45 მეტრი, სიგანე 28 მეტრი, შიდა სივრცის სუფთა სიმაღლე 10 მეტრი. ტრიბუნაზე შესასვლელი/გასასვლელი უნდა იყოს დამოუკიდებელი და შემოფარგლული მოაჯირით. უნდა მოეწყოს ასევე გასახდელები  როგორც სპორტსმენებისათვის, ასევე მსაჯებისთვის ცალკ-ცალკე, რომელიც იქნება მაყურებლებისგან იზოლირებული და მათზე წვდომა არ უნდა ჰქონდეთ გარეშე პირებს. ასევე გათვალისწინებული უნდა იყოს მინი მოედნის ფუნქციონირებისთვის საჭირო ტექნიკური სათავსები.

კომპლექსში ასევე უნდა იყოს გათვალისწინებული:

სავარჯიშო დარბაზები:

– 2 დარბაზი სხვადასხვა სპორტის სახეობებისთვის, ზომა არანაკლებ 30X18, შიდა სივრცის სუფთა სიმაღლე არანაკლებ 7 მ. ნაგებობაში განთავსდება დარბაზის სრულფასოვანი ფუნქციონირებისათვის სამყოფები (მაგალითად: საევუაკაციო გასასვლელები, გასახდელები, სანკვანძები სპორტსმენებისათვის, ტექნიკური სათავსები, საწყობები ინვენტარისათვის და ა.შ.); სატრენაჟორო დარბაზი, ზომა არანაკლებ 100 კვ.მ.

სპორტული კომპლექსი ასევე უნდა მოიცავდეს შემდეგ აუცილებელ სივრცეებს (მაგრამ არ შემოიფარგლება):

• მსუბუქი ავტომობილების პარკინგს, რომლის რაოდენობა უნდა განისაზღვროს რეგულაციების მიხედვით, მათ შორის აუცილებლად 2-3 ავტობუსისათვის;
• მთავარი შესასვლელი;
• ჰოლი, სადაც შესაძლოა მოეწყოს სწრაფი კვების პუნქტი, რეკრეაციული სივრცეები კომერციული ობიექტისთვის;
• ადმინისტრაციული ოფისები (არაუმეტეს 15-20 პერსონალზე);
• საკონფერენციო ოთახი (გათვლილი 25-30 ადამიანზე);
• სპორტ-კომპლექსის პერსონალის ოთახი არაუმეტეს 15 ადამინაზე (გასახდელებით საშხაპეებით და სანკვანძებით);
• პერსონალის კვების ოთახი;
• საზოგადოებრივი სან-კვანძები ქალებისთვის, მამაკაცებისთვის და შშმ პირებისთვის ადაპტირებული (სან კვანძების რაოდენობა განისაზღვროს მაყურებლების რაოდენობის მიხედვით, სტანდარტების შესაბამისად);
• დაცვის ოთახი;
• ტექნიკური სათავსები;
• ექიმის კაბინეტი და მედ. პუნქტი სპორტსმენებისთვის (სტანდარტების შესაბამისად).
• 2 მასაჟის ოთახი (მამაკაცებისა და ქალებისათვის);
• 1 ფინური საუნა;

დანდშაფტური დაგეგმარება:

ლანდშაფტური დაგეგმარება განხორციელდება, შენობისა და ავტოსადგომის გარდა, მთლიან მიწის ნაკვეთზე (ს/კ 20.42.06.981). კეთილმოწყობილმა ტერიტორიამ უნდა შექმნას რეკრეაციული ტერიტორიის (პარკი) კონცეფცია. გარე რეკრეაციული ზონა უნდა იყოს მოწყობილი არანაკლებ 1 ჰა. ფართობზე.

ტერიტორიის კეთილმოწყობის ძირითადი მოთხოვნებია:

• არსებული ლანდშაფტის მაქსიმალურად შენარჩუნება;
• ტერიტორიის გამწვანება, მათ შორის ხე-მცენარეების დარგვის გათვალისწინება;
• საპარკე სკამებისა და ურნების დიზაინი/პროექტი და მათი განთავსების ადგილები;
• ტერიტორიის და შენობის არქიტექტურული განათების დიზაინი/პროექტი და მათი განთავსების ადგილები;
• სპორტული სივრცეების მოწყობა;
• ბავშვთა სათამაშო სივრცეების მოწყობა;

სარეკრეაციო სივრცე იქნება ღია ტიპის და ხელმისაწვდომი ორივე ქუჩის მხრიდან.

საპროექტო ტერიტორიაზე (20.42.06.956. საკადასტრო კოდის საზღვრებში) გათვალისწინებულია:

– 1 ხელოვნურსაფარიანი საფეხბურთო მოედანი რეკომენდირებული სიგრძე 70 მეტრი, სიგანე 45 მეტრი (სრული ინფრასტრუქტურით).

-1 ქვიშის საფარიანი მოედანი რეკომენდირებული სიგრძე 42 მეტრი, სიგანე 32 მეტრი, არანაკლებ 200 კაციანი ტრიბუნით.

– არანაკლებ 80 კაცზე გათვლილი არაუმეტეს სამ სართულიანი განთავსების საშუალება, ეკონომ კლასის ნომრებით.

– 1 ადმინისტრაციული შენობა ორ სართულიანი, მეორე სართული მსუბუქი გადახურვით, ღია ვერანდა, რეკომენდირებული სიგრძე არანაკლებ 20 მეტრი, სიგანე 8 მეტრი.

იხილეთ კონკურსის ბმული: http://tenders.procurement.gov.ge/public/?go=409307&lang=ge