დღეს, ბათუმის აჭარაბეთ არენაზე ლეგენდარული ფეხბურთელის, ვახტანგ ქორიძის ვარსკვლავი გაიხსნა.
ვარსკვლავის გახსნას აჭარაბეთ არენაზე, ესწრებოდნენ ისეთი ლეგენდარული ფეხბურთელები, როგორიცაა: ოთარ გაბელია, რეზო ჩელებაძე, რევაზ ძოძუაშვილი, ასლან ბალაძე.
გასულ წელს, სწორედ რევაზ ჩელებაძის ვარსკვლავის გახსნით ჩაეყარა საფუძველი აჭარაბეთ არენაზე ვარკსვლავთა ხეივანს.
„ეს არის წარმოუდგენელი ბედნიერება და დაფასება, ძალიან აღელვებული ვარ. დიდი მადლობა მინდა ვუთხრა ჩემი დაფასებისათვის თითოეულ ადამიანს, ყველას ვინც ჩემი ვარსკვლავის გახსნაში იყო ჩართული, ჩემს მეგობრებს და გულშემატკივრებს რომლებიც ახლა ჩემთან ერთად არიან. ძალიან მნიშვნელოვანი და ემოციური დღეა ჩემთვის“ – განაცხადა ვახტანგ ქორიძემ.
„მე და ტუხა ვართ 50 წლის მეგობრები, ძალიან დიდი სიყვარული გვაკავშირებს ჩვენ. ის იყო უნიკალური, ძალიან დიდი ფეხბურთელი რომელმაც ქართულ ფეხბურთში დიდი წვლილი შეიტანა, მე ბედნიერი ვარ რომ დღეს მისი ვარკსვლავი გაიხსნა და ორმაგად სასიხარულოა რომ ჩვენი ვარკვლავები აჭარაბეთ არენაზე არის ერთად“– განაცხადა ლეგენდარულმა ვეტერანმა ფეხბურთელმა რევაზ ჩელებაძემ.
