საქართველოში დამატებით შემოვიდა Astrazeneca-ს წარმოების კორონავირუსის საწინააღმდეგო ვაქცინის 43 200 დოზა.
ვაქცინების აღნიშნული დოზები საქართველომ COVAX პლატფორმიდან მიიღო და იმ პირთა მეორე დოზით ასაცრელად გამოიყენება, რომლებმაც პრეპარატის პირველი დოზა უკვე მიიღეს.
Astrazeneca-ს ვაქცინის მეორე ინექციაზე რეგისტრაცია გუშინ, 5 მაისს დაიწყო. მეორე დოზებით ვაქცინაცია კი 10 მაისიდან დაიწყება.
აცრის პუნქტებში ჯავშნის გასაკეთებლად გადადით ბმულზე, ან დარეკეთ ცხელ ხაზზე 1522
