ნეტგაზეთი | თითქმის 3-თვიანი მკურნალობის შემდეგ, ანქვაბი აფხაზეთში დაბრუნდა თითქმის 3-თვიანი მკურნალობის შემდეგ, ანქვაბი აფხაზეთში დაბრუნდა – Netgazeti
RU | GE  

თითქმის 3-თვიანი მკურნალობის შემდეგ, ანქვაბი აფხაზეთში დაბრუნდა

აფხაზეთის დე ფაქტო პრემიერ-მინისტრი ალექსანდრე ანქვაბი, რომელიც კორონავირუსით იყო ინფიცირებული, თითქმის 3-თვიანი მკურნალობის კურსის გავლის შემდეგ, რუსეთიდან აფხაზეთში დაბრუნდა.

ინფორმაციას მისი დაბრუნების შესახებ აფხაზეთის დე ფაქტო მინისტრთა კაბინეტის ვებ-გვერდი ავრცელებს. განცხადებაში ნათქვამია, რომ ის “თავს კარგად გრძნობს”.

ანქვაბი კორონავირუსით ჯერ კიდევ გასული წლის 30 დეკემბერს დაინფიცირდა. მოგვიანებით, 4 იანვარს, აფხაზეთში კორონავირუსის პროფილურ კლინიკაში გადაიყვანეს სამკურნალოდ, საიდანაც, საბოლოოდ, მოსკოვში გაემგზავრა სამკურნალოდ.

ალექსანდრე ანქვაბის მოვალეობებს, მისი რუსეთში ყოფნის დროს, დე ფაქტო ფინანსთა მინისტრი და ვიცე-პრემიერი ვლადიმერ დელბა ასრულებდა.

ჯერჯერობით არ გამხდარა ცნობილი, დაუბრუნდა თუ არა დე ფაქტო პრემიერ-მინისტრის მოვალეობების შესრულებას ალექსანდრე ანქვაბი.

ნეტგაზეთის მასალების სხვა გამოცემებში გადაბეჭდვის წესი
ავტორი
ზურაბ მენაღარიშვილი არის ნეტგაზეთის რეპორტიორი 2020 წლის 01 ოქტომბრიდან მობ: +995 574131276; ელ-ფოსტა: zmenaghare@gmail.com