მოლდოვამ კორონავირუსის საწინააღმდეგოდ ვაქცინაციის პროცესი დაიწყო.

ქვეყანაში თავდაპირველად სამედიცინო სფეროს მუშაკები აიცრებიან.

ვაქცინაციის პირველ დღეს ასტრაზენეკას ვაქცინა 751-მა ექიმმა, ექთანმა და სანიტარმა მიიღო.

ქვეყნის პრეზიდენტმა, მაია სანდუმ, რომელიც ამ თანამდებობაზე გასულ წელს აირჩიეს, ვაქცინაციის დაწყებასა და უშუალოდ ვაქცინის საჩუქრად გადაცემაში დახმარებისთვის მადლობა გადაუხადა ევროკავშირის წევრსა და მოლდოვის მეზობელ სახელმწიფოს – რუმინეთს.

#Moldova started #vaccination today! Our medical workers are receiving the #COVID19vaccines from #AstraZeneca due to the generous donation made by ??!
My sincere gratitude to our Romanian friends @KlausIohannis @florincitu @BogdanAurescu
Mulțumesc, România! pic.twitter.com/OTRWd1P0Nb

— Maia Sandu (@sandumaiamd) March 2, 2021

გასული წლის დეკემბერში მოლდოვაში ვიზიტით მყოფმა რუმინეთის პრეზიდენტმა კლაუს იოჰანისმა დადო პირობა, რომ კიშინოვს ბუქარესტისთვის ევროკავშირის მიერ გამოყოფილი ვაქცინების დოზებს გაუნაწილებდნენ.

გარდა რუმინული დახმარებისა, მოლდოვა COVAX-პლატფორმიდანაც ელოდება ასტრაზენეკას მიერ წარმოებული ვაქცინის დოზების მიღებას.

ფოტო გარეკანზე: მოლდოველი ექიმი ვაქცინაციის დროს/მაია სანდუ

მოლდოვაში ამ დროისთვის დაფიქსირებულია კორონავირუსის ინფექციის 187 000-ზე მეტი დადასტურებული შემთხვევა. გარდაიცვალა 4000-ზე მეტი ადამიანი.

მოლდოვა და რუმინეთი ერთ ენაზე – რუმინულზე მოსაუბრე ხალხითაა დასახლებული. სწორედ რუმინეთია მოლდოვის მთავარი საგარეო პარტნიორი და მხადამჭერი ევროინტეგრაციის გზაზე.