ნეტგაზეთი | “შეიძლება სალობიეში იყო ისევ” — ელისაშვილი ზურაბიშვილზე “შეიძლება სალობიეში იყო ისევ” — ელისაშვილი ზურაბიშვილზე – Netgazeti
RU | GE  

“შეიძლება სალობიეში იყო ისევ” — ელისაშვილი ზურაბიშვილზე

პარტია “მოქალაქეების” ლიდერი ალეკო ელისაშვილი ამბობს, რომ პრეზიდენტის სასახლეში პირველ მარტს  გამართულ შეხვედრას, რომელიც შარლ მიშელის ინიციატივით შედგა, პრეზიდენტიც უნდა დასწრებოდა.

მისი თქმით, “ძალიან უცნაური და უხერხულია”, რომ პრეზიდენტი ამ შეხვედრას არ დაესწრო.

“სადღაც სასტუმროში კი არ შევხდვით, არამედ შევხვდით პრეზიდენტის ადმინისტრაციაში, ეს ძალიან კარგი ნაბიჯი იყო შარლ მიშელის მხრიდან, მაგრამ ძალიან უცნაური იყო, რომ პრეზიდენტის სასახლეში მივედით და მასპინძელი იქ არ დაგვხვდა.

ჩემი აზრით, ძალიან უხერხულია და ძალიან გაუგებარი, აუხსნელია, რომ პრეზიდენტის სასახლეში არ გვხვდება პრეზიდენტი. ყველაზე მნიშვნელოვანი, რაც კი მომხდარა სალომე ზურაბიშვილის პრეზიდენტობის დროს იმ შენობაში, იყო გუშინდელი საღამო და მაინც არ იყო იქ. არ ვიცი, შეიძლება სალობიეში იყო ისევ, როგორც ხშირად ხდება ხოლმე. არ იყო და რომ ყოფილიყო, სწორი იქნებოდა”, — განაცხადა ელისაშვილმა.

პრეზიდენტის ადმინისტრაციაში გამართულ შეხვედრას პრეზიდენტი არ ესწრებოდა

ნეტგაზეთის მასალების სხვა გამოცემებში გადაბეჭდვის წესი
ავტორი
თაზო კუპრეიშვილი არის "ნეტგაზეთის" რედაქტორი 2018 წლის პირველი თებერვლიდან.