ლიეტუვის ყოფილი საგარეო საქმეთა მინისტრი ლინას ლინკევიჩიუსი “ნაციონალური მოძრაობის” თავმჯდომარის, ნიკა მელიას დაკავებას Twitter-ზე ეხმაურება.
“შეშფოთებული ვარ დაძაბულობით საქართველოში. ჩვენმა მეგობრებმა ბევრს მიაღწიეს: მოწინავეები არიან ასოცირების შეთანხმების ღრმა და ყოვლისმომცველი თავისუფალი ვაჭრობის იმპლემენტაციაში, საქართველო ნატო-ს ერთ-ერთი ყველაზე აქტიური პარტნიორია. ამ ყველაფრის დაკარგვა უპასუხისმგებლობა იქნება. ყველა ლიდერმა უნდა აჩვენოს თავშეკავება და უპირველესად, სახელმწიფოს ინტერესებიდან გამომდინარე უნდა იმოქმედონ”, — ამბობს ლინკევიჩიუსი.
“ნაციონალური მოძრაობის” ოფისში ნიკა მელია დღეს, 23 თებერვლის დილას დააკავეს. მელია პოლიციელებმა სპეციალური მანქანით უკვე წაიყვანეს.
მელიას დასაკავებლად სპეცოპერაცია ჩატარდა, ენმ-ის ოფისის შტურმისას, სავარაუდოდ, წიწაკის სპრეი გამოიყენეს.